Presserevue
Presserevue
4 min
De Premier Xavier Bettel huet dem Direktiouns-Comité vun der Maison du Grand-Duc viru knapp engem Mount een Ultimatum gestallt: doriwwer informéiert de Moien d'Lëtzebuerger Land. Rieds geet vun enger Gouvernance-Kris bei dëser Institutioun, déi am Déngscht vum Staatschef ass.
D'Bedruchsaffär wäert kaum Suitten hunn, heescht et dann am Editorial vum Davis Thinnes am Luxemburger Wort: hei geet et ëm déi béid Gemenge-Beamten zu Hesper, déi bannent 19 Joer 5,2 Milliounen Euro solle verontreit hunn, wat kee matkritt hat.
D'Tageblatt huet e Verglach tëschent dem ëffentlechen Transport an dem Auto gemaach: wärend dem Beruffs-Trafic ass d'Zeitung digital aus 144 Lëtzebuerger Uertschaften op déi Stater Gare gefuer, eng Kéier mam ëffentlechen Transport an eng Kéier mam Auto.
An de Quotidien huet e Bléck hanner d'Kulisse vum Hotel Le Royal hei an der Stad gehäit: all Dag géife sech 16 Leit am prestigiéise Fënnef-Stären-Hotel ëm d'Botze vun den Zëmmeren op sechs Stäck këmmeren.
Theemen aus der nationaler Press presentéiert vum Serge Kesseler.