Al Schanken
Al Schanken
60 min
'Shaved Her Legs and then he was a she' heescht et am Lou Reed sengem Klassiker 'Walk On The Wild Side' deen de Nolauschterer mathëlt an d' New Yorker Transvestie-Zeen. Esou liewe wéi een et fir gutt, natierlech a richteg fënnt: dat mécht och haut - a schonns laang - d'amerikanesch Sängerin Jayne County.
Si gouf 1947 als Wayne Rogers gebuer, war fréi an der Queer-Welt ënnerwee, aktiv als Dragqueen an och als Museker, dat ënnert dem Kënschtlernumm 'Wayne County and the Electric Chairs'. 1979 ass aus dem Wayne d'Jayne County ginn - déi hir Transidentitéit ganz oppe lieft an dacks fir d'LGBTQ-Communautéit am Asaz ass. D'Jayne steet mat hiren antëschent 75 Joer ëmmer nach op der Bün, speziell bei Meetingen a Festivalle wou sensibiliséiert gëtt, a bréngt nach reegelméisseg nei Produktiounen eraus.
"Man Enough To Be A Woman' - nach als Wayne County opgeholl - ass hire bekanntesten Titel. Dës Opfuerderung haart ze sangen war 1978 alles anescht wéi eng Selbstverständlechkeet - an och haut ass et a munche Länner nach e No-Go.
D'Playlist vun haut:
Sammy Hagar - Personal Jesus (Sammy Hagar & Friends, 2013)
Uriah Heep - Stealin' (Sweet Freedom, 1973)
Duffo - Walk On The Wild Side (Bob The Birdman, 1981)
Wayne County & The Electric Chairs - Man Enough To Be A Woman (Storm The Gates Of Heaven, 1978)
Ray Davies & Paloma Faith - Lola (See My Friends, 2010)
The Clean - Do Your Thing (Modern Rock, 1984)
Dandy Warhols - Cool Scene (Thirteen Tales From Urban Bohemia, 2000)
Patti Smith - Glitter In Their Eyes (Gung Ho, 2000)
Peter Gabriel - Diggin' In The Dirt live (Live Blood, 2012)
Peter Gabriel - Solsbury Hill live (Live Blood, 2012)
Water - Night About Four (The Second Day, 1975)
Xavier Rudd - Conceal Me (To Let, 2002)
Jimi Hendrix - Vodoo Child / Slight Return (Electric Ladyland, 1968)