Al Schanken
Al Schanken
Jane gouf 1970 zu Hannover gegrënnt - verglach mat Berlin, München oder Hamburg war dat musikalesch Provënz. An dach gouf de Quartett séier vum deemools wichtege Label Brain engagéiert an huet zwee Joer duerno en éischte Studioalbum erausbruecht. No etleche personelle Wiessele bannent der Grupp ass 1976 den Duebelalbum "Jane At Home Live" an hirer Heemechtsstad opgeholl ginn, deen - zum Deel a laange Stécker- Kraut, Rock a Prog vereent. De Keyboarder vun der anerer däitscher Band Eloy ass mat u Bord an Jane proposéiert gläich dräi verschidde Sänger op den 12 Stécker.
Un englesch Gréissten, déi mat schwiewendem Sound, Synthi-Teppecher a laange Gittaresoli geschafft hunn, kënnt Jane allerdéngs net erun - och deet den däitschen Akzent am englesch Gesongenen een alt emol schmunzelen ... mee als Zäitgeescht-Opnam ass dës Al Schank, och wéinst der gutt agefaangener Live-Atmosphär, en interessant Dokument an eng méi wéi valabel Alternativ zu Discokläng an dem Punk, dee sech ugekënnegt huet.
An de méi alternativen Discoen hei am Land gouf den Album deemools reegelméisseg agesat.
D'Playlist:
Santana - No One To Depend On (Santana III, 1972)
Greg Billing Band - Rock 'n' Roll (Do-Overs, 2008)
Jona Lewie - The Baby She's In The Street (On The Other Hand There's A Fist, 1978)
Phil Lynott - King's Call (Solo In Soho, 1980)
David Bowie - Wild Is The Wind (Station To Station, 1976)
The Who - You Better You Bet (Face Dances, 1981)
Jane - Hangman (Jane At Home Live, 1977)
Manassas - The Treasure (Manassas, 1972)
The Pretty Things - Grass (Parachute, 1970)
Velvet Underground - Who Loves The Sun (Loaded, 1970)
Crosby, Stills, Nash & Young - Almost Cut My Hair (Deja Vu, 1970)