Al Schanken
Al Schanken
Déi englesch Band 'Faces' gëtt dacks als Begleetgrupp vun hirem Sänger dem Rod Stewart, duergestallt, dat wëll dee parallel zur Bandgrënnung (1969) eng Solokarriär ugefaangen hat déi ëmmer besser an d'Rulle komm ass.
D'Opnam fir de Live "Coast To Coast: Overture and Beginners' sinn Enn 1973 am kaliforneschen Anaheim entstanen, den Album ass dat Joer drop erauskomm an op der britescher Insel bis op d'Plaz 3 geklomm. De Line Up: Rod Stewart (Gesang), Ron Wood (Gittaren, Gesang), Ian McLagan (Keyboards, Gesang), Testu Yamauchi (Bass) a Kenny Jones (Drums). Den éischte Bassist Ronnie Lane war nom véierten a leschte Studioalbum "Ooh La La' - eng Nummer 1 a UK - wéinst musikaleschen Differenzen seng eege Weeër gaangen.
Kuerz no der Publikatioun vu "Coast To Coast' huet d'Band sech opgeléist. Dem Rod Stewart seng Solokarriär leeft bis haut, de Ron Wood ass 1975 bei d'Rolling Stones gaangen nodeems de Mick Taylor do opgehal hat, de Kenny Jones ersetzt bei den "Who' den 1978 verstuerwene Keith Moon.
D'Playlëscht vun haut:
Free - Wishing Well (Heartbreaker, 1973)
Nick Lowe - Cracking Up (Labour Of Lust, 1979)
Rockpile - Oh! What A Thrill! (Seconds Of Pleasure, 1980)
B-52's - Tell It Like It Is (Good Stuff, 1992)
The Dandy Warhols - Godless (13 Tales From Urban Bohemia, 2001)
Radiohead - Knives Out (Amnesiac, 2001)
Rod Stewart / Faces - Stay With Me live (Coast To Coast: Overture And Beginners, 1974)
Rod Stewart / Faces - Too Bad / Every Picture Tells A Story live (Coast To Coast: Overture And Beginners, 1974)
Robin Trower - Where Are You Going To (Where Are You Going To, 2016)
Procol Harum - The Question (The Well's On Fire, 2003)
Crosby & Nash - Don't Dig Here (Crosby & Nash, 2004)
Steve Miller Band - The Joker (The Joker, 1974)