Gezeechent - d'BD vum Mount
Alison Bechdel - The Secret to Superhuman Strength
Eng autobiographesch Graphic Novel vun der Alison Bechdel, déi éischt, an där d'Zeechnerin, déi mat "Fun Home" berüümt gouf, haaptsächlech vu hirem Liewen erzielt - allerdéngs mat engem Twist. Am Mëttelpunkt steet nämlech hir Obsessioun mat Sport a Fitness, déi si hiert ganz Liewe laang begleet huet.
D'Buch ass a sechs Kapitelen agedeelt, woubäi all Kapitel engem Joerzéngt vun hirem Liewe gewidmet ass an d'Theema vum Sport aus ganz ville Bléckwénkelen ënnersicht. Egal, ob d'Bechdel vum Lafen, vum Wanderen, vum Schifueren, vum Vëlofueren, vum Karate oder vum Yoga erzielt, si mécht dat ëmmer virun engem gréissere gesellschaftlechen an och philosopheschen Hannergrond.
Am Ufank beschreift si zum Beispill, wéi si a Pennsylvania an der Provënz opgewuess ass, wou Fitness kee grousst Theema war, a Sport fir Meedercher scho guer net. Wann d'Alison als Teenager decidéiert lafen ze goen, ass dat e klengen Akt vun der Rebellioun géint traditionell Rollebiller an och géint d'Schéinheetsideal vum weibleche Kierper.
Donieft geet et am Comic och vill ëm d'Verhältnes tëschent Kierper a Geescht. Ëm d'Fro, ob den trainéierte Kierper mat engem gestäerkten, onofhängege Geescht zesummenhänkt. D'Bechdel kuckt hei zeréck an d'Geschicht an erzielt vun Dichter*innen a Denker*innen, déi hir philosophesch-spirituell Iwwerleeungen all mat kierperlecher Aktivitéit verbonnen hunn. Dat sinn u sech interessant Episoden an Aspekter, mee et ass och dee Punkt, wou d'Buch iwwerluede gëtt.
Mat sengem klore, filigranen Zeechestil geléngt et der Alison Bechdel awer, dem Räichtum un Theemen a Gedanken eng Struktur ze ginn. "The Secret to Superhuman Strength" ass eng faszinéierend Reflektioun iwwer Sport a Fitness déi weist, wéi vill Aspekter vun der Gesellschaft, an där mer liewen, domat zesummenhänken, a wéi dëst net nëmmen d'Liewe vun der Zeechnerin, mee och eist beaflosst.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
