Gezeechent - d'BD vum Mount
Coco, Dessiner encore
D'Corinne Rey, alias Coco, ass eng vun de Charlie Hebdo-Zeechnerinnen, dat d'Attentat op d'Redaktioun vum 7. Januar 2015 iwwerlieft huet. An der BD Dessiner encore huet et dës Erliefnisser verschafft. Et ass eng klassesch Trauma-Erzielung, an där déi traumatesch Evenementer am Ufank just als Lacune present sinn. D'Coco erzielt vun Therapien, un déi et net wierklech gleeft, a gräift soss vill op Metapheren a Symboler zréck.
Wellen an Tauche sinn zentral Motiver vun der BD, déi sech op verschidden Aart a Weisen deite loossen, als Iwwerwältegtginn vun der Erënnerungen, als hir Verdrängung, oder och als Flucht. Et ass eng raffinéiert a staark Billersprooch, déi d'Coco entwéckelt, fir seng Erfarungen duerzestellen, och wat d'Koloratioun mat hiren ambivalente monochrome Flächen ubelaangt.
Nom éischten Drëttel fänkt d'Zeechnerin un, d'Evenementer vum 7. Januar 2015 aus senger Erënnerung ze rekonstruéieren, och hei mat markante Metapheren. Esou ginn d'Terroriste just als schwaarz Geeschter gewisen. Iwwert déi intensiv, bal obsessiv Passagen iwwert d'Renconter mat de Gebridder Kouachi an der Trap vum Charlie Hebdo-Gebai entwéckelt d'Coco an der BD e neie Rapport zum Attentat, deen et him erlaabt, och d'ganz Virgeschicht vum Karikaturesträit an Erënnerungen u seng verstuerwe Kolleege mat eranzebréngen. Doraus hëlt d'Zeechnerin dann och d'Kraaft, fir dat ze maachen, wat den Titel schonn annoncéiert: nach ëmmer ze zeechnen, weiderzezeechnen.
Mat senger originell Billersprooch a sengem ganz perséinlech, mee ni voyeuristesche Bléckwénkel ass Dessiner encoreass ouni Zweiwel eng absolut gelonge BD an e Schlësselwierk, wann et em d'Beschäftegung mam Attentat op Charlie Hebdo geet.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
