Gezeechent - d'BD vum Mount
/ Zoe Thorogood - The Impending Blindness of Billie Scott
Zoe Thorogood - The Impending Blindness of Billie Scott
"The Impending Blindness of Billie Scott" vun der Zoe Thorogood ass d'Geschicht vun enger jonker nordenglescher Kënschtlerin, dat just zwou Wochen Zäit huet, fir hir éischt grouss Ausstellung zu London virzebereeden, well si wéinst enger Verletzung un den Ae lues a lues blann gëtt. Den Ufank ass sécherlech opgesat a melodramatesch, mee am Endeffekt ass et och just e Pretext fir d'Billie Scott aus hirem WG-Zëmmer ze kréien an op d'Rees ze schécken, wou si zéng friem Leit portraitéiere wëllt.
De Wee ass d'Zil vun dësem Comic. De mëttleren Deel, wou d'Billie ënnerwee ass, fir hir Portraiten ze molen, ass dee spannendsten. Si lant séier zu London a begéint hei ville jonke Mënschen, déi all net wëssen, wouhin hire Wee geet, all iergendwéi verluer sinn, zum Deel och traumatiséiert. En plus lieft d'Billie zu London vill op der Strooss oder an Heemer, deelweis souguer op engem Dreckstipp, esou dass een den Androck kritt, hei eng vergiessen, verluere Generatioun ze gesinn.
"The Impending Blindness of Billie Scott" ass keng Graphic Novel, déi sech direkt politesch positionéiert, trotzdeem kann ee se als Portrait vun enger Generatioun Brexit liesen, vun enger brittescher Jugend, déi an eng onkloer Zukunft bléckt, eng Generatioun "no future". D'Referenz op de Punk gesäit een och am Stil vun der Zoe Thorogood, mat hiren onreegelméissegen an nervöse Linnen, schife Perspektiven a liicht chaotesche Biller, wou nieft dem Schwaarz-Wäiss dacks just Rout oder Orange genotzt ginn, fir Akzenter ze setzen.
Et gëtt awer och Hoffnung am Comic, engersäits an de Frëndschaften, déi d'Billie schléisst, an an der Konscht. Et gëtt souguer en Happy End, deen awer esou empathesch a kitscheg ass, mat ganz simpele Messagen, datt en am Fong hanner de Rescht vum Buch zeréckfält. Trotz dëse schwaache Momenter lount sech "The Impending Blindness of Billie Scott" awer wéinst dem Bléck, deen et op déi jonk Generatioun a Groussbritannien gehäit.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
