Gezeechent - d'BD vum Mount
Hannah Brinkmann - Gegen mein Gewissen
D'Hannah Brinkmann erzielt a "Gegen mein Gewissen" d'Geschicht vu sengem Monni, dee si selwer ni kannt huet, well dee Monni sech 1974 mat 19 Joer d'Liewe geholl huet - wärend där Zäit, wou hien huet misse säi Militärdéngscht leeschten. Dee Militärdéngscht wollt den Hermann Brinkmann als iwwerzeegte Pazifist net maachen, mee vun den Autoritéite gouf hien net als "Kriegsdienstverweigerer" aus Gewëssensgrënn unerkannt an um Déngscht un der Waff ass hien zerbrach.
"Gegen mein Gewissen" rekonstruéiert dat kuerzt Liewe vum Hermann a verbënnt dat mat der gréisserer Thematik vum Militärdéngscht an dem Widderstand dogéint. D'Hannah Brinkmann schafft vill mat Dokumenter wéi Zeitungsartikelen oder Bréiwer an allgemeng stécht vill Archivaarbecht hanner dem Buch. Et ass eng Graphic Novel, déi Wäert dropleet, d'Atmosphär vun der Nokrichszäit prezis anzefänken. D'Zeechnungen hunn e blatzeg-rouden Toun, wéi wann een duerch en ale Fotoalbum bliedert, a si orientéiere sech ëmmer un de populären Ikonographië vun där jeeweileger Zäit.
De Monni portraitéiert d'Hannah Brinkmann als Idealist, dee konsequent fir dat antrëtt, un dat hie gleeft. De kafkaeske Prozess, deen hien muss duerchmaachen, kann een haut bal net méi gleewen. Wärend "Gegen mein Gewissen" soss roueg a formal streng erzielt ass, hëlt sech d'Zeechnerin hei méi Fräiheeten, bréngt Elementer aus der Molerei vun Expressionismus bis Surrealismus oder och anatomesch Zeechnungen eran, fir sech an d'Figur vum Hermann eranzeversetzen a seng psychesch Belaaschtung symbolesch duerzestellen. Déi staark Biller sinn och e Grond, firwat d'Graphic Novel op engem méi allgemengen Niveau funktionéiert an iwwerzeegt, also net just als Dokumentatioun vun enger Thematik, déi sech speziell op d'Nokrichsdäitschland bezitt.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
