Gezeechent - d'BD vum Mount
Pauline Stulin - Bei mir zuhause
600 Säiten huet d'Graphic Novel "Bei mir zuhause", an där d'Paulina Stulin e Queeschschnëtt vu sengem eegene Liewe festhält a probéiert, quasi ongefiltert ze weisen, wat et erlieft a denkt, egal ob dat elo eppes Besonnesches oder ganz Alldeegleches ass. De Comic ass en Experiment am Realismus, net nëmme wéinst senger Längt, mee och, well e mat sengem breedem Stréch an de kräftege Faarwen un d'Molerei vum spéiden 19. Joerhonnert erënnert.
E groussen Deel vu "Bei mir zuhause" spillt an der eegener Wunneng. Et ginn Zeenen, déi ëmmer erëm kommen, wéi de Bléck aus der Fënster, mee och de Bléck op déi eidel Säit, wou d'Zeechnerin hiert eegent Schafe reflektéiert, oder och de Bléck an de Spigel. Schéinheetsidealer an de gesellschaftlechen Drock fir dës ze erfëllen, spillen eng zentral Roll. Donieft trëfft sech d'Paulina mat Frënn, feiert, geet an d'Vakanz, diskutéiert iwwer Gott an d'Welt an engagéiert sech politesch. "Bei mir zuhause" ass och e Portrait vun der Generatioun vun de Millenials, mat hirer Liewensastellung, hiren Ängschten an Hoffnungen.
Et kann een der Graphic Novel virwerfen, datt se dacks trivial ass, vläicht och exhibitionistesch, mee stilistesch ass se ganz staark. D'Paulina Stulin huet e ganz eegenen Zeechestil an e gutt Gespier fir Layout a Struktur, déi d'Buch iwwer déi 600 Säiten droen. Et stécht also vill dran a "Bei mir zuhause", net nëmme vun der Säitenzuel, mee och vun der Déift, mat där vill verschidden Aspekter aus dem Liewe vun enger jonker Fra vun haut thematiséiert ginn, mengt de Jeff Thoss.
Episoden
Grouazel/Locard - Révolution, II. Égalité
Matten an der Geschicht: 2019 hunn de Florent Grouazel an de Younn Locard den éischte Band vun hirer Trilogie iwwer d'Franséisch Revolutioun erausbruecht. Elo koum d'Suite eraus.
Liv Strömquists - Astrologie
Déi schweedesch Zeechnerin ass duerch hir feministesch Essaien bekannt ginn. An hirem neiste Comic beschäftegt si sech mat engem iwwerraschende Sujet: der Astrologie.
Lewis Trondheim - 31 juillet
Deen aachte Band vun enger Serie mam Titel "Les nouvelles aventures de Lapinot", mee et muss een näischt doriwwer wëssen, fir dës kuerz BD mat 56 klengformatege Säiten ze liesen.
Deena Mohamed - Your Wish Is My Command
E modernt Märchen aus Ägypten vun enger ägyptescher Zeechnerin Deena Mohamed, dat mat an e modernt Kairo hëlt.
Stockhausen - "Der Mann, der vom Sirius kam"
D'Liewe vum Karlheinz Stockhausen als Comic. Am Zentrum steet d'Faszinatioun déi den Auteur vu senge fréien Teenagerjoren u mat der Musek vum Avantgarde-Komponist hat.
Eva Müller - Scheiblettenkind
Iwwer d'Opwuessen an enger däitscher Aarbechterfamill a dovun, wéi Klassementalitéit a sozial Ënnerscheeder d'Heldin hiert ganzt Liewe laang begleeden a beschäftegen.
Jean-Marc Rochette - La Dernière Reine
Zeréck zur Natur: Eng Koppel stemmt sech an den Alpe vum fréien 20. Joerhonnert géint de Fortschrëtt a wierkt an hirer Anti-Modernitéit heiansdo ganz modern.
Kate Beaton, Ducks: Two Years in the Oil Sands
En autobiographescht Wierk iwwer der Kënschtlerin hir Zäit an der kanadescher Uelegindustrie an déi sëllege Forme vun Exploitatioun, déi si do erlieft huet.
Bastien Vivès - Dernier week-end de janvier (Casterman)
Eng Léift um Comicfestival: dem Bastien Vivès seng neiste BD erzielt mat spuersame Mëttele vun enger onwarscheinlecher Libesgeschicht am Comicmilieu, déi sech bal net ze erkenne gëtt.
Hamed Eshrat - Coming of H
Kiffen a Sprayen an der Provënz: eng Migratiounsgeschicht mat der Geschicht vun enger Jugend an den 1990er Joren. Souverän erzielt, awer ouni grouss Iwwerraschungen.
Pierre-Henry Gomont, Slava, 1: Après la chute
De Pierre-Henry Gomont hëlt eis mat zeréck an d'Russland vun den Nonzeger, wou de Kommunismus grad zu Enn gaangen ass a sech d'Gesellschaft nei organiséiert.
Quentin Zuttion, La Dame blanche
En originelle Bléck op d'Aarbecht am Altersheem: De Quentin Zuttion huet sech an de leschte Jore mat sensibele Bicher zu aktuellen Theemen en Numm gemaach.
Birgit Weyhe, Rude Girl
E Liewen tëschent Baseball, Ska a Brecht: eng faszinéierend Biografie mat spillereschen Iwwerleeungen zum Theema Representatioun
Zep - Ce que nous sommes
Just e Gehier an engem Tank? Gutt gezeechent, awer ganz konventionell Science Fiction
Elizabeth Holleville - Immonde!
Den Horror lauert an der Industriezon: An hirer zweeter BD erzielt d'Elizabeth Holleville vun dräi Teenageren, déi komesche Virfäll an enger klenger elsässescher Industriestad noginn.
Aisha Franz - Work-Life-Balance
A hirer véierter Graphic Novel setzt sech d'Zeechnerin op witzeg a bësseg Aart a Weis mat der moderner Aarbechtswelt auserneen an hire Problemer.
Héctor Germán Oesterheld/Alberto Breccia/Enrique Breccia - Life of Che
En argentinesche Bléck op den Che Guevara
Lara Swiontek - Verwandlung
Ee Märche fir Erwuessener, déi éischt Graphic Novel vun der däitscher Kënschtlerin an Illustratorin
David Sala - Le Poids des héros
Dat neit Wierk vum franséischen Zeechner geet nees an eng éischter literaresch Richtung. Et ass e Familljeportrait vum Auteur, vu senger Kandheet a Jugend.
