Panorama
Panorama
Den LSAP Politiker a Fraktiounschef Georges Engel wëllt den 10. Juli als Buergermeeschter vu Suessem ophalen, d'Successioun soll d'Simone-Asselborn Bintz iwwerhuelen
Eng Partie Museksveräiner zu Lëtzebuerg fäerten no dräi Méint Confinement ëm hir Existenz, huet et gëschter an eiser Emissioun Riicht eraus um Dag vun der Fête de la Musique geheescht
An der Chamber gëtt haut iwwer déi vill diskutéiert Covid-19-Gesetzprojeten ofgestëmmt
22 Sans-Abrië waren zu Lëtzebuerg positiv op de Coronavirus getest ginn, bis op eng Persoun wiere si all nees gesond, esou déi zoustänneg Ministerin Corinne Cahen
An Däitschland ass de Coronavirus-Reproduktiounstaux nees däitlech iwwer eent geklommen, op 2,88 (op véier Deeg gekuckt), an op 2,03 (op siwen Deeg gekuckt), esou de Robert Koch Institut
Zu Stuttgart gouf et dëse Weekend gréisser Onrouen
A Serbien huet déi rietsnational Fortschrëttspartei vum President Aleksandar Vucic d'Parlamentswale vu gëschter, virleefege Resultater no, gewonnen