Kultur
Kee konnt den "R" esou rulle wéi de Pir Kremer
Fir Generatioune vu Leit hei zu Lëtzebuerg war et e feste Rendez-vous um Sonndeg Owend, wann et geheescht huet "Um Staminee" vun a mam Pir Kremer, dem Michel, wéi hie sech genannt huet, dem Frënd Meyer der Tata Sidonie oder dem Emelie. De Pir Kremer ass e Stéck Lëtzebuerger Geschicht, an hien huet wéi kaum en anere fäerdeg bruecht, mat enger satirescher Konnotatioun an engem ganz fäinen an ni blessante Witz d'Aktualitéit ënner d'Lupp ze huelen.
De Kréimesch Pir war e joviale Mënsch, mee virun allem awer e Satiriker an Humorist mat Häerz a Witz. E war ni béis a huet net beleidegt, wuel gepickt, an dohier och säi Kierzel, de PIK, mat deem hien och jorelaang fir d'Lëtzebuerger Revue geschriwwen huet.
De Pir Kremer huet mat senger markanter Stëmm Lëtzebuerger Radio- a Kulturgeschicht geschriwwen. Wann een de Pir Kremer an engem Spréchelche géif beschreiwen, da wär et deen: "Et kann een och eppes laachendes Monds soen, an dann ass et och gesot."
De Pir Kremer huet d'Fangeren an d'Wonn geluecht, awer ni ënner der Ceinture. Säin Auteurskolleeg Pol Pütz huet de Pir Kremer an engem Gedicht esou beschriwwen:
'T gët keen, dee Kréimesch Pir nët kennt.
Hien as e liewegt Monument.
Hien huet gepikt a repikéiert,
De Geck gemach, mee ni blesséiert.
Virun allem huet de Pir geschriwwen
Hien as dobei bescheide bliwwen.
Hien as nach haut dee Käercher Jong
Mam steiwe Buedem un de Schong
Den 28. Mäerz 2020 ass et op den Dag 20 Joer hier, datt de Pir Kremer am Alter vu 80 Joer gestuerwen ass.
De Jean Claude Majerus denkt mat engem Touncollage un den Pir Kremer zeréck.
Episoden
Chrëschtdag bei Komponisten a Komponistinnen
Duerch dee grousse Choix u klassescher Musek léisst sech d’Chrëschtzäit haut angeneem verbréngen. Mee wéi war dat fréier? Wéi hunn d’Komponistinnen an d’Komponisten d’Woch vu Chrëschtdag verbruecht?
L'Histoire de Souleymane
Eng Rezensioun aus dem Grousse Kino vum leschte Samschdeg
Um Radar - Iwwer d'Chrëschtvakanz
Iwwer d'Chrëschtdeeg gëtt et roueg an der Kulturzeen. E puer kleng kulturell Highlighte gëtt et dann awer. Den Nicolas Calmes verréit, wéi eng.
Chrëschtlidder mat de Lëtzebuerger Philharmoniker
De radio 100,7 an opus 100,7 iwwerdroen deen traditionelle Chrëschtconcert live aus der Philharmonie.
Musekspräisser 2024 an der Philharmonie
De Jury huet de Präis fir d’Liewenswierk dem Komponist, Posaunist, Tenor an Dirigent Camille Kerger decernéiert, deen iwwer Joerzéngten déi Lëtzebuerger Museks- a Kulturlandschaft gepräägt huet.
Scian - Trying To Feel
Scian ass eng alternativ Metal-Band, déi zu Lëtzebuerg baséiert ass. Den Track, aus deem Dir en Extrait héiert, heescht “Trying To Feel” an ass nei eraus.
Um Radar - De Weekend
Och de Weekend viru Chrëschtdag si kulturell Evenementer geplangt.
Prix littéraires: "Le rêve du Jaguar" de Miguel Bonnefoy
Fir seng Familljesaga krut de Bonnefoy direkt zwee Präisser: de Prix Femina an de Grand Prix du Roman de l'Académie française. Eng Feelentscheedung, fënnt de Jeff Schinker.
Lidderflupp: Lëtzebuerger Vollekslidder
"Lidderflupp" ass den Numm vum neien Album vum Georges Urwald a gläichzäiteg vun engem Kulturprojet fir Mënsche mat Demenz.
Buchkritik: Skif an Dresch - "Déck Frënn. Guerre et plaie" (Editions d'Lëtzebuerger Land)
Den zweete Band vun der Comic Strip-Serie versammelt dem Duo seng Produktioun aus der Period 2021-2022.
Wou fënnt ee beim radio 100,7 seng Rou?
Wéi kléngt Rou, a kann een déi opzeechnen?
Pauvres bêtes ! - Voyage au coeur de la condition animale
Eng BD, déi d'Fro exploréiert, wéi et eigentlech den Déieren an eiser Gesellschaft geet.
Zwangsrekrutéierter a Fräiwelleger
De fënneften Deel vun der Visite guidée duerch déi permanent Ausstellung am Musée vun der Resistenz a vun de Mënscherechter
Notre-Dame de Paris: E Lëtzebuerger bei de Restauratiounsaarbechten
Den Uergelbauer Laurent Anen war un der Restauratioun vun der Uergel an der Notre-Dame zu Paräis bedeelegt.
“Trashy” Konscht reimt net onbedéngt op tatsächlechen “trash”
D’Molerin Lara Weiler weist op hirer éischter Eenzelexpo haaptsächlech Still a Knascht
Die Katze Eleonora
Muer a Freideg den Owend gëtt am Kasemattentheater d'Stéck vun der Caren Jess gespillt.
Vu Montfort op Saint Germain
Eng musikalesch Rees duerch d'Musek aus dem 20. Joerhonnert
D'Enn vum Siren's Call?
2025 wäert et wuel keng Oplag vum beléiften urbane Festival ginn, dat nodeems de Siren's Call 2024 schonn zum Deel wuertwiertlech an d'Waasser gefall war.
