Panorama
Panorama
Revirement an der Diskussioun ronderëm d'Klima-Manifestatioun muer. Anescht wéi Uganks vum Educatiounsministère virginn sollen d'Schüler muer net automatesch een non-excusé opgeschriwwe kréien, wa si un der Manifestatioun Deel huelen.
D'Regierung huet wëlles eng nei ëffentlech-rechtlech Tëleeschaîne ze schafen, war haut no der zoustänneger Chamberkommissioun gewuer ze ginn.
De Schued, deen duerch d'Auslafe vun net-traitéiertem Waasser an der Uelzecht entstanen ass, wier méi grouss wéi bis ewell ugeholl, seet de Gusty Graas, Schäffen an der Gemeng Beetebuerg.
Am August hunn 183 Mënschen hei am Land Asyl ugefrot.
De Kollektiv "Stop Knauf Illange" huet haut, zesumme mat 4 Stéit aus der Gemeng Illange, bei Diddenuewen a Frankräich, virum Verwaltungsgeriicht zu Stroossbuerg Recours géint de Buergermeeschter vun der Gemeng ageluecht. Si reprochéieren him Muechtmëssbrauch.
Den 23. Oktober wäert d'Europaparlament iwwert déi nei EU-Kommissioun ofstëmmen. Dat huet d'Parlament zu Stroossbuerg haut matgedeelt.
Déi fréier Chefin vun der rumänescher Anti-Korruptiounsagence, Laura Kövesi, kéint déi éischten Europäesch Procureur ginn. De Moien hunn eng Majoritéit vun den EU-Ambassadeure fir si gestëmmt.
Vun haut un a bis Enn vum Mount wëlle Ryanair-Piloten a Spuenien streiken.
An Israel revendiquéiere souwuel den aktuelle Premier Benjamin Netanjahu wéi och de fréiere Militärchef a Chef vun der Oppositioun Benny Gantz de Poste vum Premierminister fir sech.
De fréiere Staatschef vun Tunesien, Zine el Abidine Ben Ali, ass dout. Hien ass am Alter vun 83 Joer a sengem Exil a Saudi-Arabien gestuerwen.