Panorama
Panorama
Gutt véier Méint no de Chamberleaks huet d'Chamber decidéiert hir Informatik ganz nei opzebauen - am Mäerz hat de radio 100,7 opgedeckt, datt eng Rei vertraulech Dokumenter ëffentlech um parlamentareschen Internetsite zougänglech waren
Zanter 12 Auer de Mëtteg fiert den Tram iwwert d'rout Bréck an d'Uewerstad - déi offiziell Aweiung war vun Demonstratioune géint d'Aarbechtskonditioune vun den Tram-Chauffere begleet
Vum éischten August u bezilt d'Gesondheetskeess fir hormonell Verhütungsmëttel bis een 30 Joer al ass
D'Police mëscht zwee Zeienopriff wéinst Accidenter bei dem Persoune schwéier verletzt gouf
D'Arméi huet zwee Helikoptere bestallt, déi mat der Police solle gedeelt ginn
Ween eng Plainte wëll maachen ouni sech dobäi an e Police-Büro ze deplacéiere kann dat vun haut un online maachen
De Ministère vum ëffentlechen Déngscht zitt e positive Bilan vum Pilot-Projet Télétravail beim Staat
De Sami A., dee vun Däitschland un Tunesien ausgeliwwert gouf, kennt fräi - dat huet déi tunesesch Anti-Terror-Autoritéit haut bekannt
Dem Imran Khan seng Bewegung fir Gerechtegkeet huet d'Wahlen am Pakistan gewonnen
De Slowen Primoz Roglic wënnt déi ganz schwéier Pyrenäenetapp haut am Tour France a kennt op déi 3. Plaz am Generalklassement, de Bob Jungels ass elo deen 11. am General
Um Himmel wäert een den Owend kënnen ee raren astronomesche Phenomen observéieren: déi längste Mounddäischtert vum 21. Joerhonnert an de Planéit Mars, deen ee mam bloussen A ka gesinn