Panorama

Et gëtt e prinzipiellen Accord iwwer en neie Kollektivvertrag am Bankesecteur, huet eis den LCGB confirméiert
De russesche Stolkonzern NLMK ass net méi den Haaptkandidat fir d'ArcelorMittal-Wierk zu Diddeleng ze iwwerhuelen, sot eis de Wirtschaftsminister Etienne Schneider
Zu Oochen kritt haut de franséische President Emmanuel Macron de Karlspräis iwwerreecht, fir seng Verdéngschter un Europa, domat sinn awer d'Atomgéigner vum Aktiounsbündnis Stop Tihange net ganz averstanen. Si hunn zu engem Protest zu Oochen opgeruff: D'Zukunft vun Europa dierft net radioaktiv sinn, esou d'Ausso, Frankräich wier awer nach ëmmer ee vun de gréissten Atomlobbyisten an Europa
Am EU-Budget no 2020 sollen d'Strukturfongen ëm fënnef bis zéng Prozent gekierzt ginn. Dës Propos vun der Europäescher Kommissioun gëtt vun enger Rei Säite schaarf kritiséiert
D'Tensiounen tëscht Israel an dem Iran am Syrien-Konflikt sinn an der Nuecht héichgekacht. Béid Säiten hunn a Syrien Rakéiten openee geschoss
An Italien kënnt méiglecherweis d'Sich no enger Regierung op en Enn. De fréiere Premierminister Silvio Berlusconi huet de Wee fräigemaach, fir eng Regierung vun der rietspopulistescher Lega mat der euro-kritescher Fënnef-Stäre-Beweegung
A Malaysien huet déi aktuell Regierungspartei déi éischte Kéier zanter der Onofhängegkeet vum Land, viru méi wéi 60 Joer, d'Muecht verluer. De Mahathir Mohamad, dee fréier selwer schonn eemol Premier war, gëtt mat 92 Joer elo deen eelste Regierungschef vun der Welt

Episoden