Panorama

Et ginn eng Partie Interessente fir d'Diddelenger Stolwierk vun Arcelor Mittal z'iwwerhuelen, sot eis de Mëtteg de Wirtschaftsminister Etienne Schneider. Bis den Hierscht soll déi Vente gelaf sinn, déi 300 Salariéeë sollen awer op jidder Fall mat iwwerholl ginn
Zukënfteg sollen d'Giischtercher am Prisong kënne Pefferspray a Waffen "à munitions non pénétrantes" asetzen. Déi juristesch Chamberkommissioun ass de Mëtteg de Vertrieder vun de Giischtercher op deem Punkt entgéint komm
De Grupp Encevo huet zejoert gutt en Drëttel manner Benefiss gemaach wéi nach 2016
De Mouvement Ecologique gesäit dat geplangten EU-Fräihandelsofkommes mat Japan genee sou problematesch wéi CETA an TTIP
D'EU-Staate wëllen alles dru setzen fir, nom Austrëtt vun den USA, den Atomdeal mam Iran awer nach ze retten
An den nächsten dräi Deeg wëllt den US-President Donald Trump den Datum an d'Plaz vun deem geplangte Sommet mam nordkoreanesche Leader Kim Jong Un matdeelen
An Italien hunn déi rietspopulistesch Lega an d'Fënnef-Stäre-Bewegung beim President Sergio Mattarella e leschten Délai vu 24 Stonne gefrot, fir weider Négociatiounen iwwert eng Regierungskoalitioun
Am Giro d'Italia war et haut déi fënneften Etappe, an déi war fir den Italiener Enrico Battaglin. De Maillot rose bleift beim Australier Rohan Dennis

Episoden