Panorama

USA: D'USA zéien sech aus dem Atom-Akkord mam Iran zeréck a féiere nees verstäerkte Wirtschaft-Sanktioune géint den Iran an, gouf den amerikanesche President Donald Trump gëschter Owend bekannt
Iran: President Rohani hält bis op Weideres um Accord fest, déi iranesch Atom-Energie-Agence sollt awer Virbereedunge maachen, fir nees Uran an onlimitéierte Quantitéiten unzeräicheren
EU: Atom-Accord mam Iran wichteg fir d'Sécherheet an der Regioun an an Europa, d'EU wëll um Accord festhalen, sou déi europäesch Beoptraagte fir Aussepolitik, Federica Mogherini
Briteschen Ambassadeur: Amerikanesch Decisioun iwwert Iran-Accord wäert Konsequenzen hu fir Entreprisen, déi am Iran an an den USA aktiv sinn, sou den John Marshall, briteschen Ambassadeur zu Lëtzebuerg am 100,7 Interview
Staatsrot: De President vun déi Gréng, Christian Kmiotek, weist sech "sprachlos a schockéiert", nodeems fir de fräie Posten am Staatsrot net d'Joëlle Christen zeréckbehale gouf, mee d'Affekotin a fréier Riichterin Martine Lamesch
Cyber-Security: Haut-Commissariat à la Protection nationale wëll "Méiglechkeete schafen", fir dass Leit, déi eng Sécherheets-Faille wëlle mällen, net juristesch verfollegt ginn
Syrien: Am Krich a Syrien eskaléieren d'Spannungen tëscht Israel a Syrien nodeems, syresche staatleche Medie no, Israel eng Loftattack op déi syresch Arméi südlech vun der Haaptstad Damaskus lancéiert hätt
Nordkorea: US Ausseminister Mike Pompeo a Nordkorea fir d'Treffen tëscht dem Donald Trump an dem nordkoreanesche Staatschef Kim Yong Un virzebereeden
Cannes: Martine Scorsese a Cate Blanchett hunn 71. Editioun vum Film Festival opgemaach
Football: Paris St Germain wënnt Finall vun der Coupe de France mat 2-0 géint Les Herbiers aus der drëtter Divisioun

Episoden