Release vun der Woch: Frostland - Winterkult (7/10)
Am Review vun haut stellen ech iech nees eng méi onbekannt Band vir. Si kënnt allerdéngs vu guer net esou wäit wech, nämlech vu Köln a si nennt sech Frostland. Et gëtt d'Band zënter 2006, 2 Joer drop koum.eng éischt Demo Cd eraus. Eng 2. Demo CD koum dunn 2011 an 2014 gouf et nach eng drëtt Demo CD, iert 2015 eng éischt EP Visionenflucht erauskoum. Elo ass d'Band mat hirem Debutalbum winterkult um Start.
Wéi den Numm vum der Band a vum Album erkenne loossen, hu mer et hei mat Black Metal ze dinn, bei deem och d'Texter op däitsch gesonge sinn. Textuell geet et - Iwwerraschung - virun allem ëm d'Thematik vum Wanter, bzw alles wat mam héijen Norde vun der Welt ze dinn huet. Sou geet et beim Track Krater ëm d'Landschafte vun Island, bei Aurora Borealis ëm d'Nordliicht an ee Song huet d'Koordinate vun der Insel Ultima Thule als Titel, der nërdlechster Insel iwwerhaapt.
Musikalesch kann een de Mix als Mëschung tëscht skandinaveschem an amerikaneschem Black Metal beschreiwen, woubäi d'Atmosphär an de Lidder staark u schwedesch Bands erënnert
De Black Metal vu Frostland bitt dem Nolauschterer dobäi alles, wat ee sech als Black Metal Fan wënsche kann: kal, bäissend atmosphäresch oppen Akkorden, vill Blast Beats, genuch Tempo Wiessel an eng uerdentlech Portioun Rock n roll
Just vum Gesang weess ech mach net genee, wat ech hale soll.. zwar huet de Sänger déi typesch bm screams drop, schweift awer och dacks an emg Zort gjéimert Gejäitz iwwer.. dat ass net sou menges, passt awer trotzdem och bei d'Atmosphär vum Album
Alles an allem ass Winterkukt e ganz uerdentlechen, ronnen an intensiven Album, dee virun allem.deene Fans dierft gefalen, déi net nëmmen op konventionelle Klischee Black Metal stinn, mä frou si mat Ofwiesslung an Atmosphär!
Hei ass dann och den Titeltrack vum Album, hei si Frostland mat Winterkult
Playlist
Fleshcrawl - Festering Flesh
Nonexist - A Meditation Upon Death
Legacy Of Atlas - Your Fallacy
ASG - Survive Sunrise
Skindred - That's My Jam
Verni - Fire Up
Frostland - Winterkult
Iron Angel - Blood And Leather
Machine Head - Davidian