Album vun der Woch
Calexico - The Threat That Keeps Us
Nach steet tëscht der Calexico-Heemecht Tucson an hirem südlechen Ëmfeld keng Mauer. Eng Waff - eng musikalesch - fir si z'iwwerwannen awer huet d'Band aus Arizona scho laang. Wann de Jakob Valenzuela an de Martin Wenk hir Trompetten an den Akkordeon eraushuelen, da läit de Mariacchi-Rhythmus an der Loft, d'Noute schwiewe wéi d'Vigelcher iwwert den Zonk an aner Obstakele jäize no der Gittar vun Joey Burns a Jairo Zavala, de Perkussioune vum John Convertino ... an och de Scott Colberg an de Sergio Mendoza si mat Läif a Séil resp. Bass a Keyboard derbäi ... an dat ass och um neie Calexico-Album "The Threat That Keeps Up" de Fall.
Manner uniform wéi gewinnt
Allerdéngs ass d'Kombinatioun aus den US-Gringoen an den Texmex-Vertrieder net onbedéngt just op ee Stil festgeluecht - e puer Täkt Mexiko si wuel ëmmer derbäi bei Calexico, mä um neien Album awer wierklech just e puer, erstaunlech wéineg, dofir variéiere si dann d'Palett vun der Offer ganz schéin. Do ass de méi rouegen desert Sound deen um Burns seng Vergaangenheet beim Howe Gelb an Giant Sand erënnert, et rockt meeschtens éischter gemittlech a Richtung Indie mat liicht séilegen Hippietouch, et rompelt liicht op "Eyes Wide Awake", e puer Täkt World mësche sech drënner, bei "Flores y Tamales" si si an enger Cumbia op der anerer Säit vun der Grenz ... an esouguer e klenge Reggae-Trip inklusiv Beatbox fënnt een um Album, deen op der erweiderter Editioun siwe Bonustracks ubitt - dat ass vill Musek, hei hätt ee kënne straffen, an deen een oder anere Fëller ewechloossen.
En Haaptargument fir den neien Album: "The Threat That Keeps Us" ass manner uniform wéi fréier Calexico-Produktiounen, proposéiert méi Ofwiesslung, och wann dat heiansdo zimlech queesch duerch de Gaart geet. Trotzdeem erkennt een d'Band ëmmer erëm - eng Evolutioun, déi gutt deet.
E Lidd fir den Donald
Mä Calexico ass méi wéi de Soundtrack, deen ee mathëlt fir e Cinémascope-Ofstiecher ënnen an de Südweste vun de States. Calexico sinn och politesch, ouni sech als Politband ze verstoen, sange vum Alldag, dee schonns emol méi roueg an harmonesch war bei hinnen, weisen op Mëssstänn a Geforen hin - "The Threat", d'Bedrohung am Albumtitel, an dediéieren esou de Song "Dead In The Water" hirem President, dee fir si d'Leit net zesummen, mä auserneebréngt.
De Fuedem fir alles zesummenzehalen, wat am Moment an deemnächst riskéiert a Stécker ze zerfalen? Den Joey Burns seet d'Léift an d'Musek. Richteg héieren, Léift a Musek fir Mënschen zesummenzebréngen: Wien haut - net nëmmen an den USA - esou Saache seet, deen ass wahrscheinlech onheemlech naiv an idealistesch a passt dann och bei dat onbeschwéiert Landschaftsbild, dat um Cover vun dësem neie Calexico-Release figuréiert. Ech géif soen, den Joey Burns ass ganz einfach en onstabilt Genie, dat zesumme mat senge Bandkollegen Nouten a Wierder iwwert all Grenzen a Mauere vun dëser Welt fléie léisst ... a kee ka si ophalen. Muy bien, hombre!
And the winner is ...
A wa mir scho bei Trompetten an enger Mauer sinn - wann ech mech richteg erënneren, gouf esou eng Geschicht schonn emol viru ganz ville Jore geschriwwen, net a Mexiko mä zu Jericho. Ob si elo historesch bewisen oder just fiktiv ass, sief emol dohigestallt. Fest steet, datt d'Resultat beim Joshua - Kapitel sechs, wann Dir gär noliest - a bei Calexico dat selwecht ass: D'Trompetten hu gewonnen.
Episoden
Eskapismus a Verzauberung
Vu Beethoven bis Kraftwerk: den Duo Decisive Pink presentéiert mat hirem Debutalbum "Ticket to Fame" absurden Electropop.
Eskapismus a Verzauberung
Vu Beethoven bis Kraftwerk: den Duo Decisive Pink presentéiert mat hirem Debutalbum "Ticket to Fame" absurden Electropop.
Mam Album Nummer zwee op Nummer sécher
No hirem gefeierten Debut vun 2021 stellt déi brittesch Musekerin Arlo Parks mat "My Soft Machine" de laang erwaarten Nofollger vir.
Mam Album Nummer zwee op Nummer sécher
No hirem gefeierten Debut vun 2021 stellt déi brittesch Musekerin Arlo Parks mat "My Soft Machine" de laang erwaarten Nofollger vir.
Joan of All
No 12 Joer Paus mellt sech déi amerikanesch Singer-Songwriterin Sarabeth Tucek als SBT zeréck a presentéiert ee staarken Duebelalbum.
Joan of All
No 12 Joer Paus mellt sech déi amerikanesch Singer-Songwriterin Sarabeth Tucek als SBT zeréck a presentéiert ee staarken Duebelalbum.
Vu Wuerzelen a Flilleken
Dem Südafrikaner Bongeziwe Mabandla seng Musek wuerzelt an der Traditioun vum Afro-Folk, deen op "Amaxesha" modern interpretéiert gëtt.
Vu Wuerzelen a Flilleken
Dem Südafrikaner Bongeziwe Mabandla seng Musek wuerzelt an der Traditioun vum Afro-Folk, deen op "Amaxesha" modern interpretéiert gëtt.
Ee gudde Jong
Op "Wait Til I Get Over" ass den Indications Bandleader Durand Jones ee gudde Jong.
Ee gudde Jong
Op "Wait Til I Get Over" ass den Indications Bandleader Durand Jones ee gudde Jong.
E schéinen Duercherneen
Op sengem neien Album "Coast 2 Coast" verbënnt den Duo Pearl & the Oysters Influenze vu Bach bis Beach Boys zu enger faarweger Mëschung.
E schéinen Duercherneen
Op sengem neien Album "Coast 2 Coast" verbënnt den Duo Pearl & the Oysters Influenze vu Bach bis Beach Boys zu enger faarweger Mëschung.
Verstoppen am oppene Bléckfeld
Op hirer neier Plack "Multitudes" ass déi kanadesch Sängerin Leslie Feist mat sech selwer am Duett, an am Dialog.
Verstoppen am oppene Bléckfeld
Op hirer neier Plack "Multitudes" ass déi kanadesch Sängerin Leslie Feist mat sech selwer am Duett, an am Dialog.
Ouerwierm mat vill Energie
Déi däitsch Band Robocob Kraus gallopéiert op hirem neien Album "Smile" mat vill Humor duerch divers Theemen a Stiler.