Mindpatrol
Déi jonk Lëtzebuerger Band Mindpatrol bréngt hiren 3. Album "Vulture City" eraus. Am Interview beim David Wagner ass de Frontmann Luc François.
Release vun der Woch: Blitzkrieg - Reign of Fire (7/10)
Blitzkrieg hunn zënter 2013 keen Album méi erausbruecht. 2018 wëllen d'Veterane vun der New Wave of British Heavy Metal, déi jo eng vun de Bands aus där Zäit sinn, vun deene sech Metallica beaflosse gelooss hunn an déi och och vun den Thrash Gigante gecovert gouf. An 2018 wëlle se nees endlech eng nei Scheif ënnert d'Vollek bréngen.
En éischte Virgeschmaach op dat, wat nach kënnt, kréie Blitzkrieg Fans mat der neier Duebel Single oder EP, déi sech Reign of Fire nennt a amt enger Oplag vu 500 Stéck just op Vinyl erauskënnt.
Den Titeltrack ass e regelrechte straighte Metal-Stampfer; d'Gittare ginn uerdentlech virun, Bass a Batterie liwweren dofir en zollitt Fundament an de Sänger Brian Ross, eenzeg iwwreggebliwwene Grënnungsmember, ass an Top Form
Souguer déi ganz héich Téin bereeden dem Englänner kee Problem
Op der B-Säit gëtt et mat Judge Not e weideren neie Song, deen exklusiv just op dëser Single erauskënnt. Méi am mid-tempo Beräich schléit dësen insgesamt ähnlech aus, wéi Reign of Fire. Iwwerraschend ass hei allerdéngs de coole Mëtteldeel, fir dee sech d'Band e Syntheziser ausgeléint hunn..
Blitzkrieg verstinn hiert Handwierk also ëmmer nach an d'Waarden op den nächste richtegen Album ass heimat iwwerbréckt.
Playlist
Iron Maiden - Powerslave
Audrey Horne - This is War
Mindpatrol - Her Dire Sacrifice
Corrosion of Conformity - Wolf Named Crow
Toxic Shock - Evil Presence
Windhand - Old Evil
Blitzkrieg - Blitzkrieg
Hamferd - Frosthvarv
Sepultura - Cut Throat