Nei Musek
United Instruments of Lucilin am grousse Studio vum radio 100,7
Lucilin - Vergaangenheet a Géigewaart kommen zesummen. Den Ensembel huet sech den Numm vun der éischter Buerg um Bock ginn. E schléit historesch d'Bréck no hannen a kuckt musikalesch no vir. Antëscht huet sech dësen Ensembel, deen 1999 gegrënnt gouf, national an och international een Numm gemaach. Invitatiounen op grouss Festivalen, Workshops, CD-Opnamen, Uropféierungen, Participatioun un zäitgenësseschen Opere-Projeten: Lucilin huet sech als de Lëtzebuerger Ambassadeur fir nei Musek etabléiert. Viru kuerzem war den Ensembel fir zäitgenëssesch Musek am grousse Studio vum radio 100,7 an huet Wierker vum Steve Reich, vun der Kate Moore a vum Camille Kerger gespillt.
Steve Reich: Clapping Music
Kate More: Fatal Strangers
Camille Kerger: Wish