arrow_back_ios
Kultur
En attendant Bojangles
E Buch wéi aus der Zäit gefall, mat enger Famill déi sech alle gängege konservative Kontroverse vum Liewen entgéintsetzt a probéiert glécklech ze sinn: d'Mamm déi all Dag vun hirem Mann en anere Virnumm kritt, de Papp, dee sech gär domat ameséiert sech selwer nei Liewensgeschichten ze erfannen, an de Bouf deen dat aussergewéinlecht Liewe vun sengen Elteren probéiert mat der anerer Realitéit an der Schoul ënnert een Hutt ze kréien. Dobäi kommen den Hausvugel Mademoiselle Superfétatoire, eng Grue de Numidie, an de Kolleg vum Papp, genannt l'Ordure. Deen ass wuel Sénateur am Palais du Luxembourg zu Paräis, awer vill léiwer mat der droleger Famill zesummen fir d'Liewen ze genéissen.
Eng Geschicht hors normes, déi den Eescht vum Liewen awer net ganz ignoréiert.
Episoden
Chrëschtprogramm um opus 100,7
Deen traditionelle Chrëschtconcert live aus der Philharmonie, Filmmusek aus Chrëschtdagsfilmer an dem Tschaikowksi säin “Nussknacker”: D’Ekipp vum opus 100,7 proposéiert eng ganz Rei passend Concerten.
Mandarine
No der Orange ass dës Kéier d'Mandarine, fir déi de Schrëftsteller Jean Portante sech op seng etymologesch Rees mécht.
Réckbléck op d'Lëtzebuerger Literaturpräisser
D‘Valerija Berdi kuckt op d‘Laureatinnen an d'Laureate vun de Lëtzebuerger Literaturpräisser vun dësem Joer.
Chrëschtdag bei Komponisten a Komponistinnen
Duerch dee grousse Choix u klassescher Musek léisst sech d’Chrëschtzäit haut angeneem verbréngen. Mee wéi war dat fréier? Wéi hunn d’Komponistinnen an d’Komponisten d’Woch vu Chrëschtdag verbruecht?
L'Histoire de Souleymane
Eng Rezensioun aus dem Grousse Kino vum leschte Samschdeg
Um Radar - Iwwer d'Chrëschtvakanz
Iwwer d'Chrëschtdeeg gëtt et roueg an der Kulturzeen. E puer kleng kulturell Highlighte gëtt et dann awer. Den Nicolas Calmes verréit, wéi eng.
Chrëschtlidder mat de Lëtzebuerger Philharmoniker
De radio 100,7 an opus 100,7 iwwerdroen deen traditionelle Chrëschtconcert live aus der Philharmonie.
Musekspräisser 2024 an der Philharmonie
De Jury huet de Präis fir d’Liewenswierk dem Komponist, Posaunist, Tenor an Dirigent Camille Kerger decernéiert, deen iwwer Joerzéngten déi Lëtzebuerger Museks- a Kulturlandschaft gepräägt huet.
Scian - Trying To Feel
Scian ass eng alternativ Metal-Band, déi zu Lëtzebuerg baséiert ass. Den Track, aus deem Dir en Extrait héiert, heescht “Trying To Feel” an ass nei eraus.
Um Radar - De Weekend
Och de Weekend viru Chrëschtdag si kulturell Evenementer geplangt.
Prix littéraires: "Le rêve du Jaguar" de Miguel Bonnefoy
Fir seng Familljesaga krut de Bonnefoy direkt zwee Präisser: de Prix Femina an de Grand Prix du Roman de l'Académie française. Eng Feelentscheedung, fënnt de Jeff Schinker.
Lidderflupp: Lëtzebuerger Vollekslidder
"Lidderflupp" ass den Numm vum neien Album vum Georges Urwald a gläichzäiteg vun engem Kulturprojet fir Mënsche mat Demenz.
Buchkritik: Skif an Dresch - "Déck Frënn. Guerre et plaie" (Editions d'Lëtzebuerger Land)
Den zweete Band vun der Comic Strip-Serie versammelt dem Duo seng Produktioun aus der Period 2021-2022.
Wou fënnt ee beim radio 100,7 seng Rou?
Wéi kléngt Rou, a kann een déi opzeechnen?
Pauvres bêtes ! - Voyage au coeur de la condition animale
Eng BD, déi d'Fro exploréiert, wéi et eigentlech den Déieren an eiser Gesellschaft geet.
Zwangsrekrutéierter a Fräiwelleger
De fënneften Deel vun der Visite guidée duerch déi permanent Ausstellung am Musée vun der Resistenz a vun de Mënscherechter
Notre-Dame de Paris: E Lëtzebuerger bei de Restauratiounsaarbechten
Den Uergelbauer Laurent Anen war un der Restauratioun vun der Uergel an der Notre-Dame zu Paräis bedeelegt.
“Trashy” Konscht reimt net onbedéngt op tatsächlechen “trash”
D’Molerin Lara Weiler weist op hirer éischter Eenzelexpo haaptsächlech Still a Knascht