De Gerald Knaus, Initiateur an dreiwend Kraaft hannert dem EU-Tierkei-Ofkommes rifft de Kommissiounspresident Jean-Claude Juncker op, sech drëms ze këmmeren, datt d’Verspriechen aus dem Flüchtlingsofkommes elo endlech ëmgesat ginn. Et dierft net sinn, datt sech d'EU-Memberstaten net un den Deal halen, esou den Direkter vum Thinktank ESI (European Stability Initiative) am 100,7-Interview.
Et géif kee Grond ginn, datt Flüchtlinge méintelaang festhänken. D’Europäesch Unioun misst nëmmen e bësse besser organiséiert sinn. D’Ofkommes géif zwar besser wierken, wéi souguer d’Supporter geduecht hunn, op de griicheschen Insele géif et den Ament awer zum Beispill u Mataarbechter feelen, fir d’Demanden unzehuelen.
D’Versprieche vu geregelten Asylprozeduren am Kader vun den EU-Regulatioune misst elo séier ëmgesat ginn, esou den éisterräichesche Politikwëssenschaftler am Gespréich mat eisem Auslandskorrespondent zu Wien, dem Daniel Schneider.
Eng Parti Kritiken vun ONGen um EU-Tierkei Ofkommes, et géif zum Beispill zu Massenofweisunge kommen, léisst de Gerald Knaus iwwerdeems net gëllen.
