Sensibelt Theema: Stierfhëllef

Stierfhëllef

Mëttwoch, den 12.2. um 9:40, 10:10 an 13:40

D'Stierfhëllef ass ee sensibelt Theema, dat an den EU-Memberlänner ganz ënnerschiddlech behandelt gëtt. Holland, d'Belsch a Lëtzebuerg hunn europawäit déi liberaalst Gesetzer. Hei ass d'Stierfhëllef net just erlaabt, wann d'Patienten eng onheelbar kierperlech Krankheet hunn, mee och wa si psychesch krank sinn. Mee d'Euthanasie am Fall vu psychesche Krankheeten ass net onëmstridden a vill Dokteren di sech schwéier domat.

D'Anne Kleinknecht huet sech doriwwer mat Experten ënnerhalen an och mat enger jonker belscher Fra, déi keng Suizidgedanke méi huet, zanter si Stierfhëllef accordéiert krut.
 
Iwwer dëse Reportage a méi spezifesch d'Situatioun zu Lëtzebuerg, ënnerhale mir eis och mam Invité am Moies-Magazin, dem Psychiater Paul Rauchs um 10:10. Hien ass Member an der nationaler Kontroll-Kommissioun fir d'Evaluatioun an d'Applicatioun vum Euthanasie-Gesetz.

Mëttwoch, den 12.2.: Mäin Europa um 9:40 an 13:40 an Invité am Moies-Magazin: Paul Rauchs um 10:10

Lauschtert hei

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen