"Schlofzëmmerbléck" gewënnt bei den German Design Awards

SZB_GDA_2023.jpg

D'radio 100,7 Vinyl "Schlofzëmmerbléck" gewënnt an der Kategorie "Excellent Communications Design - Packaging". 

De "Schlofzëmmerbléck" ass eng Compilatioun vum 100,7, déi et a limitéierter Quantitéit als Vinyl wéi och digital ze kafe gëtt, an déi op de Streamingplattformen disponibel ass.

Wärend deem éischte Lockdown am Mäerz 2020 hunn 13 lëtzebuergesch Kënschtler:inne bei sech doheem fir de Radio Songs geschriwwen a produzéiert. Dëse Schlofzëmmerbléck kann och als intimen Abléck an dat kënschtlerescht Schafe wärend dëser besonnescher Zäit verstane ginn.

Dee schlichte Cover wëllt dem erdréckende Gefill vum Lockdown entgéintwierken, déi 13 verschidde Fënsteren - eng Fënster fir all Kënschtler, all Kënschtlerin - soll Faarf an dat "grousst Eidelt" bréngen.

D'Jury huet dozou dës Begrënnung ofginn:

Die Idee, die 13 Song-Titel quadratischen Farbtafeln zuzuordnen, die zugleich sinnbildlich für die Schlafzimmerfenster stehen, hinter denen die Songs in der Pandemie entstanden, wurde grafisch toll umgesetzt. Ein markantes Cover, das durch die Farben stimmungsaufhellend wirkt.

D'Gestaltung vum Cover gouf vun der Agence Cropmark gemaacht. Mir soen hinne villmools Merci fir hir Aarbecht a gratuléiere fir de Präis.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen