Bewosst Gesond - Kraider an der gesonder Kichen: Thymian a Rosmarin
Eng kleng Brise vu "Rosée du matin an e frësche Blummen-Aroma": Och esou kann een déi zwee wonnerbar Kraider Rosmarin an Thymian beschreiwen.
Thymian passt gutt zu Wuerzelen, Ratatouille, Kabes oder Fësch. Rosmarin passt gutt zu Courgetten, Bounen, Gefligel a Schwéngefleesch a Gromperen.
Eng Kiche mat Kraider a Gewierzer bréngt nei Goûten an d'Iessen. Weider Rotschléi mat der Dieteticienne Lis Muller, Responsabel vum Service Nutrition vum Domaine Thermal vu Mondorf.
Aus dem radio 100,7 Archiv - Binôme: Camille Kerger an Alex Mullenbach
Eng aner Zort vu Schrëftsteller war am Mäerz 1998 beim Jean Portante an der Emissioun Binôme, an där zwou Perséinlechkeeten aus der sozio-kultureller Zeen sech begéint sinn: De Camille Kerger a säin Iwwerraschungsgaascht, den Alexander Mullenbach.
Zwou Persounen, déi allen zwee Komponist wéi och Dirigent sinn a sech och soss zimmlech gläichen. Mee eppes hunn déi zwee net gemeinsam. De Camille Kerger ass hei zu Lëtzebuerg bliwwen an den Alexander Mullenbach ass fort op Salzburg gezunn. Huet hie sech vläicht ze vill ageengt gefillt?
Zwou Perséinlechkeeten aus demselwechte Beräich, déi sech schätzen, eppes mateneen ze dinn hunn, a Loscht hunn, een iwwer deen aneren ze schwätzen. Zwee Portraiten entstinn esou, op eng originell Aart a Weis gezeechent.
Musikalesche Moment - Thaïs, d'Oper vum Jules Massenet
Wéi a villen Opere geet et am "Thaïs" vum Jules Massenet ëm Léift, Leidenschaft, Vertrauen, mee och ëm Verrot a Jalousie, dëst mat vollen exotesche Kläng.
Den Ausschnëtt "Méditation de Thaïs" gehéiert haut zu deene populäerste Melodien aus der Klassik. De Manuel Ribeiro erkläert.