Sonndeg, 26.1. um 11:00 an 18:00
D'Regierung bestellt e Rapport iwwer d'Finanz- a Personalgestioun am Palais, Indiskretioune vum Haff ginn ëffentlech breet getrëppelt, déi groussherzoglech Famill gëtt wéinst dem Ëmgang mat hirer eegener Geschicht kritiséiert.
Dëst sinn alles Saachen, déi viru Joren nach ondenkbar gewiescht wären. Ass dat Dynamit fir d'Dynastie? Oder just e Stuerm, dee vergeet?
Doriwwer diskutéiert de Maurice Molitor e Sonndeg mat der Historikerin Josiane Weber, dem fréiere Chambellan Paul Dostert, dem Verfassungsexpert Luc Heuschling an dem Ex-Feierkrop-Chronist Jacques Drescher.
D'Emissioun Riicht eraus héiert Dir dëse Sonndeg um 11:00 an 18:00 um radio 100,7.