De 15. August ass Léiffrawëschdag, an de radio 100,7 proposéiert e Feierdagsprogramm:
Moiesconcert um 10:00
De Bléck an d'Natur an an den Himmel - um Krautwëschdag steet d'Natur am Mëttelpunkt - och am Moiesconcert mat Wierker vu Vivaldi an Holst ...
Spektrum Spezial um 14:00
Tuys si momentan eng vun den aktiivste Lëtzebuerger Bands. Och am Confinement hu si mat energiegeluedenen Optrëtter iwwerzeegt. Erlieft hire Concert vun der Journée de la musique nach eng Kéier, niewent Optrëtter vun Daniel Balthasar, De Läbbel a Slumbergaze.
Musek fir ... Léiffrawëschdag um 16:00
Um Léiffrawëschdag gëtt e Wësch mat Planze vum Feld zesummegestallt a geseent. Domat hofft een eng gutt Recolte feieren ze kënnen. Passend zu dëser aler Traditioun proposéieren de Jean Claude Majerus an de Luc Boentges thematesch sortéiert Musek ronderëm de Sujet vun der Agrikultur.