Samschdeg, den 21.3. um 22:08
Si operéieren am Däischteren an dacks verstoppt. An eiser Serie RadioAktivitéit stelle mir si an de Spot: DJen. Tëschent Funktioun a Konscht invitéiere si op eng musikalesch Rees mat Beat a Séil.
E Samschdeg an der Nuecht ass den Hirsto fir eis um Radio aktiv. De Lëtzebuerger DJ wäert en elektresche Mix vun House, Ambient, an New Beat zesummestellen.
De Christophe Lux aka Hirsto huet zwou musikalesch Facetten. Engersäits géif hien als Presentateur a senge Radiosendungen um Radio ARA an Ambient a Floumaartplacken andauchen. "Ech hunn awer och meng Club-Säit". Do géif hie méi déif an d'90er House Saachen erawulle goen.
DJ-Set Session mam Hirsto, dëse Samschdeg Owend um 22:08.