Nei Emissioun: Déi Rout Couche
Samschdeg, den 1.2. um 22:08
Déi Rout Couche - Op eisem roude Canapé féieren d'Tessy Steffen Koenig, de Marc Clement an hir Invitéë Gespréicher iwwer Sexualitéit, Identitéit a Kierperlechkeet. All éischte Samschdeg am Mount op 100,7.
Op der éischter Rouder Couche sëtzt d'Stella Witry, eng Sextherapeutin, déi op Bodywork spezialiséiert ass, an déi d'Emissioun och an Zukunft matbegleede wäert.
Eist Theema: Bezéiungen, an deene Sex keng Roll méi spillt. Mir schwätzen iwwer déi verschiddenst Fäll an Ursaachen, an och iwwer Usazpunkte fir Léisungen. Iwwer Drock, Kanner, Choixen a Kommunikatioun. Gespickt mat e puer schéine, kitschegen Tracks.
Dëse Samschdeg um 22:08 um radio 100,7.
