D'DP wier déi Partei vun de véier grousse Parteien, déi am meeschte bäigeluecht huet an och ee Sëtz bäigewonnen huet. Mat 13 oder 14 Sëtz wier een och déi stäerkst vun den aktuelle Regierungsparteien.
“Ech muss Iech soen, aus dëse Walen gestäerkt erauszegoen, beweist datt déi Aarbecht, déi mir gemaach hunn, zesummen an der Regierung, zesumme mat der Chamber an de Sektiounen mat de Lokalmandatairë mat eise Membere vum Wieler och unerkannt ginn ass. Et deed gutt, datt de Wieler dës Aarbecht och unerkennt."
Hien hätt gutt a gären an der Dräierkoalitioun geschafft, esou de Xavier Bettel.
"Mee mir sinn an enger Demokratie a wann de Wieler decidéiert huet, datt en eppes aaneschters wëllt, dann ass dat ze respektéieren. Arithmeetik ass dat eent, mee et ass eng Majoritéit, déi sech bilde muss."
