D'Partei kritiséiert, datt vill Livreuren ouni klasseschen Aarbechtskontrakt a mat engem limitéierte soziale Schutz schaffen. Si fuerdert dofir eng gesetzlech Reguléierung vum Secteur, fir datt d'Livreuren an de meeschte Fäll als Salariéë gëllen an domat och déi entspriechend Rechter a Schutzmesurë kréien.
Déi Lénk fuerdert gesetzlech Reegelen
Déi Lénk verweist dobäi op eng eege Gesetzespropos, déi schonn an der Chamber deposéiert gouf. Dës soll och kollektiv Rechter fir d'Aarbechter vun de Liwwerplattformen aféieren.
Wolt deelt dann an engem Schreiwes op Nofro hi mat, datt een driwwer Bescheed wéisst, datt hir neiste Bezuelungspolitik de Livreure Suerge géif maachen. Et wier een an där Hisiicht an a Kontakt mat Representante vun de Livreuren.
Datt d’Zuel vun den ageloggte Livreure stänneg ännere géif, wier opgrond vu verschiddenen Aspekter, wéi der Dageszäit, oder och dem Wieder normal, esou nach Wolt an hirem Statement. Dëst hätt och keen Afloss op den Alldagsbetrib.