De Weltsécherheetsrot vun der UNO soll haut op Demande vu Frankräich fir eng Drénglechkeetssëtzung zesummekommen.
D‘Hisbollah huet confirméiert, datt si de Moien eng Rakéit op déi israeelesch Stad Tel Aviv geschoss huet. Se gouf vum israeeleschen Ofwiersystem interceptéiert. Et wier déi éischte Kéier gewiescht, datt Tel Aviv vun enger Hisbollah-Rakéit viséiert war, esou déi israeelesch Arméi.
De Bilan vun den Attacken zanter e Méindeg läit bei iwwer 550 Doudegen, dorënner 50 Kanner, a iwwer 1.800 Blesséierten, sou de libanesesche Gesondheetsministère. Ënnert den Doudesaffer sinn zwee Mataarbechter vun der UNO.