D‘Méiglechkeet, fir sech vun engem Dokter iwwer Telefon oder Video beroden ze loossen, war wärend der Covid-Pandemie ageféiert ginn, fir den Accès zu de Soine weider ze garantéieren a gläichzäiteg ze verhënneren, datt de Coronavirus sech weider verbreet.
Déi deementspriechend Ordonnance vum Santésdirekter leeft allerdéngs elo Enn des Mounts aus, ouni datt schonn eng Alternativ en place gesat gi wier.
Aktuell géif un engem neie Kader geschafft ginn, fir datt d‘Téléconsultatiounen nees kënne rembourséiert ginn, heescht et weider am Presseschreiwes. Bis de Wanter sollten déi Modalitéite gekläert sinn.