An der Waffepaus soll eng Léisung fir de Konflikt tëschent Israel an der Hisbollah gesicht ginn, genee ewéi fir de Gazakrich.
D‘Suerg iwwert eng weider gréisser Eskalatioun vum Konflikt wiisst. Dat nodeems Israel aktuell eng Buedemoffensiv am Süde vum Libanon preparéiert.
Israel: Militäraktioun geet weider bis Hisbollah zerstéiert ass
Israel huet de moien nei Attacken op d‘Hisbollah am Libanon ugekënnegt, dat trotz dem Virschlag vun engem Grupp vu Länner zu New York, fir eng Wafferou. Et géif keng Wafferou ginn, heescht et vun israeelescher Säit, d‘Militäraktioun géif weidergefouert ginn, bis d‘Hisbollah zerstéiert wier.
Iwwerdeems mellt de libaneesesche Gesondheetsministère rëm 20 Doudeger bei enger israeelescher Attack hënt am Oste vum Libanon, am syresche Grenzgebitt, d‘Affer wieren alleguerte Syrer:innen.