Fir de Protestpiquet virum Cargolux-Sëtz hu sech de Moie ronn 800 Beschäftegt afonnt. Si fuerderen eng besser Lounstruktur an eng Erhéijung vun de Léin ëm sechs Prozent bannent véier Joer. Doriwwer eraus revendiquéieren si eng Garantie, datt an Zukunft bei der Cargolux eng Indextranche ausbezuelt gëtt, och wann d’Politik den Indexsystem enges Dages sollt moduléieren oder souguer ofschafen.
De Cargolux-CEO Richard Forson hat de Gewerkschafte gëschter virgehäit, iwwerdriwwe Fuerderungen ze stellen, deenen d’Direktioun net kéint nokommen. Hien huet och betount, datt de Streik der Airline géif schueden.