Als Union Commerciale hätt een och selwer Sécherheetsagenten agestallt. 8 op der Gare a 6 an der Stad, seet d'Mireille Rahmé-Bley.
D'Braderie misst iwwerdeems méi bidde wéi just reduzéiert Präisser. Ënner anerem d'Coronakris, permanent Rabattcampagnen an den Onlineshopping hätten d'Gewunnechte vun de Leit verännert a manner Leit géifen d'Braderie besichen, esou d'Presidentin vum Stater Geschäftsverband. Dofir géif et dëst Joer eng Partie Animatioune fir d’Famille ginn, virop och am Garer Quartier.
D'Mireille Rahmé-Bley hofft dann, datt an Zukunft alleguer d'Geschäfter bei der Braderie matmaachen, virun allem déi grouss Chaînen, déi dacks diktéiert kréichen net matzemaachen.
D'Braderie soll sech zu engem grousse kulturellen Highlight entwéckelen, esou d'Presidentin vum Stater Geschäftsverband.