Dee Bilan wier nach provisoresch a kéint nach klammen. Der Zeitung El País no géifen nach Dosende Leit vermësst ginn.
Schlëmmsten Iwwerschwemmungen zënter den 90er Joren
Dem Premier no wier dës "zerstéieresch Episod" nach net eriwwer. Dat sot de Pedro Sanchez an enger Televisiounsusprooch. Bréissel huet schonn Hëllef ugebueden.
De Bilan vun den Doudesaffer ass mëttlerweil op iwwer 60 geklommen. Eleng an der Mëttelmier-Regioun Valencia wieren engem virleefege Bilan no op d‘mannst 62 Leit gestuerwen, esou déi spuenesch Staatstelé mat Verweis op d‘Autoritéiten. Dosende Leit gëllen als vermësst.
Op ville Plaze sinn d‘Rettungsdéngschter wéinst den iwwerschwemmten oder soss blockéierte Stroossen net duerchkomm. D‘Autoritéiten hunn d‘Awunner opgeruff fir sech net iwwert d‘Strooss ze deplacéieren.
D‘Iwwerschwemmunge sinn déi schlëmmst a Spuenien zënter Enn den 90er Joren.
Ganz staarke Ree bannent kuerzer Zäit huet an e puer Regiounen am Süden an Oste vu Spuenien Iwwerschwemmunge verursaacht. Op Biller op de soziale Reseaue gesäit een Autoen, déi vum Waasser matgerappt ginn a Brécken, déi zerstéiert ginn.
Al menos 51 personas murieron em las inundaciones provocadas por las lluvias torrenciales caídas el martes en la región de Valencia, al este de España, informaron los servicios de socorro, los cuales indicaron que se inició el proceso de identificación de las víctimas #AFP pic.twitter.com/jspK7fJcfT
— Agence France-Presse (@AFPespanol) October 30, 2024
Dosende Mënsche ginn nach vermësst. De Bilan vun den Affer ass provisoresch.
Zuch tëschent Malaga a Madrid entgleist
An der Regioun Valencia gëtt et gréisser Perturbatiounen am Transport. All d'Zuchservicer goufe gestoppt a Flich goufen entweder ëmgeleet oder annuléiert.
Nieft Valencia ass och d‘Stad Albacete an der Regioun Catsilla-La-Mancha betraff. Do géifen op d‘mannst 6 Mënsche vermësst ginn, sou déi lokal Medien. Wéinst engem Äerdrutsch ass och een AVE-Schnellzuch mat ronn 300 Passagéier tëscht Malaga a Madrid entgleist. Et ass awer kengem Mënsch eppes geschitt.
De Kinnek Felipe huet an engem Message op X geschriwwen, hie wier um Buedem zerstéiert, an huet de Famille vun den Affer säi Matleed ausgedréckt an hinne Courage a Kraaft an déi néideg Ënnerstëtzung gewënscht.
Desolados ante las últimas noticias sobre la DANA. Nuestro más sentido pésame a los familiares y allegados de los más de 50 fallecidos.
— Casa de S.M. el Rey (@CasaReal) October 30, 2024
Fuerza, ánimo y todo el apoyo necesario para todos los afectados.
Nuestro mensaje más cercano y reconocimiento a autoridades locales y…