Kiew hat den 1. Januar eng Pipeline zougemaach duerch déi russesche Gas an Zentraleuropa geliwwert gouf.
De Robert Fico, deen am Dezember de Wladimir Putin zu Moskau besicht hat, huet dat Sabotage genannt. Duerch d'Fermeture vun där Pipeline géif d'Slowakei 500 Milliounen Euro Recettë verléieren, déi aner Länner fir de Gastransit bezuelt hunn. Hie géif elo proposéiere Sue fir ukrainesch Flüchtlingen an der Slowakei ze sträichen a Stroumliwwerungen un d'Ukrain ze stoppen, esou de slowakesche Premier.
D'EU-Kommissioun sot den Donneschdeg an engem Statement, d'Gasliwwerungen un d'EU-Member-Staate wieren iwwer alternativ Weeër geséchert, an et géif keng Enkpäss ginn.
