Beim Tëschefall waren eng ganz Partie Mataarbechter ugegraff a blesséiert ginn. Ee Giischtje koum wéinst Blessuren um Kapp an d‘Spidol.
Fir d‘Sécherheet vun de Giischtercher weider ze verbessere soll elo eng intern Etüd gemaach ginn, fir ze kucken, wéi zum Beispill d‘Iwwerwaachungskameraen an de Prisongen an d‘Formatioune fir d‘Giischtercher weider verbessert kënne ginn.
An den 3 Prisongen zu Giwenech, Suessem a Schraasseg goufen et an de leschte 5 Joer iwwerdeems am Ganze 75 Aggressioune géintiwwer dem Personal, sou nach d‘Justizministesch. Dozou gehéieren nieft Aggressiounen och zum Beispill och, datt op ee Giischtje gespaut gouf, oder datt et zu Gedrécks koum.