A verschiddenen Deeler vun Däitschland goufen et gëschter Owend schwéier Stierm, déi deels och grousse Materialschued verursaacht hunn. Am Norde vu Rheinland-Pfalz sinn zwee Leit vun engem Bam getraff ginn, deen ëmgefall ass. Eng vun hinnen ass op der Plaz un hire Blessure gestuerwen.
Déi aner Fra gouf blesséiert. Déi zwou Frae goufe beim Spadséieren vum Onwieder iwwerrascht. Doropshin hu si Schutz an enger Sëtzgrupp gesicht. Ee Bam gouf vum Stuerm matgerappt an ass dodrop gefall.
A Brandenburg gouf et een Tornado. Dobäi ass awer kee Mënsch blesséiert ginn.
