Virdru musse béid Parteien nach gréng Luucht vun hire Gremie kréien. Bei der DP kënnt de Comité directeur um 7 Auer zesummen, bei der CSV ass en Nationalrot, an um hallwer aacht e Kongress. Si mussen d‘Zoustëmmung kréie fir d'Regierungsequipe a -programm fir déi nächst fënnef Joer.
Eisen Informatiounen no kënnt och déi nei CSV-Fraktioun den Owend kuerz zesumme fir en neie Fraktiounschef ze designéieren. Dem Marc Spautz gi gutt Chancen nogesot.