D’Annonce dës Woch vum Marc Spautz fir méi Kontrollen an enger Analys vun den Aarbechtsrelatiounen an deem Secteur géife weisen, datt d‘Regierung net Bescheed wéisst, wéi déi Plattforme wierklech funktionéieren.
Déi Lénk geheien der Regierung „Negligence“ fir, well se zougelooss hätt, datt sech e Wirtschaftsmodell entwéckelt huet, deen op Ausbeutung géif baséieren.
Opruff fir op Gesetzpropositioun zeréckzegräifen
D‘Regierung schafft den Ament un der Ëmsetzung vun enger EU-Direktive fir d‘Plattformaarbecht an de Statut vun deenen déi fir Plattforme schaffen, gesetzlech ze reegelen.
Déi Lénk ruffen d‘Regierung op, op eng entspriechend Gesetzpropositioun zeréckzegräifen, déi déi Lénk am Februar deposéiert haten.
