An deem beschwéiere sech d’Gewerkschaften OGBL an LCGB, datt déi lescht zwee Joer am Kontext Aarbecht a Beschäftegung "largement verluer" sinn. Am Bréif ginn dräi Prioritéite genannt: Weider méi Méiglechkeete fir de Maintien dans l’emploi, eng Upassung vun der Gesetzgebung iwwer de Reklassement an d’Kënschtlech Intelligenz an de Betriber.
Bestoend Theeme goufe mam Marc Spautz beschwat
Mam neien Aarbechtsminister Marc Spautz hat d’Gewerkschaftsunioun schonn dräi Entrevuen. Do wier et awer virop ëm al Revendicatioune wéi zum Beispill d’Aarbechtszäitorganisatioun an d’Plattformaarbecht gaangen, ënnersträicht de Patrick Dury am 100,7-Interview.
"Mir hunn eng Prioritéitelëscht an d'Union des Syndicats gemaach an et läit eis um Häerz, datt dëst Joer net nëmmen iwwer déi Saache geschwat gëtt, mee datt mir d'Resultater u sech kréie fir d'Leit, déi am Privatsecteur an dësem Land schaffen, well dat do sinn Dossieren, déi net vu gëschter a vun haut sinn, dat sinn Dossieren zum Deel, déi eis scho méi laang ënner den Neel brennen."
D‘Gewerkschaftsunioun huet dem Premier an de leschte Méint schonn zwee Bréiwer geschriwwen. Dorënner war jo och deen, an deem si sech iwwer de fréieren CSV-Aarbechtsminister Georges Mischo beschwéiert hunn.
Lauschtert hei de ganzen Interview mam Patrick Dury