Der Organisatioun si jo rezent iwwer 60 Milliounen Euro geklaut ginn. Duerch d’Annonce vum Premier Luc Frieden gëscht an der Chamber, datt d’Regierung fir den Ament keng Sue méi un d’Caritas wäert iwwerweisen, hätt een elo wéinstens bësse méi Kloerheet, mengt den zoustännegen Zentralsekretär vum OGBL, de Smail Suljic.
"Wann d’Caritas kee Geld kritt an d’Salairen net kënnen iwwerwise ginn, da schwätze mir vun enger klassescher Faillite vun enger ASBL. An do ginn et ebe legal Prozeduren, déi mir mussen anhalen. Dat ass wierklech de schlëmmste Fall. Ech bezweiwelen nach ëmmer, dass dat wäert virkommen, mee d’Leit mussen informéiert ginn, wat hir Rechter sinn."
Et hätt een elo eng Entrevue d’urgence bei der Regierung, grad wéi beim Verwaltungsrot ugefrot, fir datt d’Personal kéint driwwer informéiert ginn, wéi et fir si weider geet.