Ausser e puer Leit déi am normale Congé sinn, oder am Congé parental oder maternité, an dofir net hätte kënne kontaktéiert ginn, an nach déi eng oder aner Ausnam, hätten all déi aner Mataarbechter:innen e neie Kontrakt mat HUT ënnerschriwwen. Weider Detailer soll déi neit Entitéit HUT den Dënschdeg Mëtteg um 5 Auer op enger Pressekonferenz ginn. „Hëllef um Terrain“ soll haut offiziell déi national Aktivitéite vun der Caritas iwwerhuelen.
Den OGBL an d‘LSAP hunn d‘Konditioune vum Transfert kritiséiert a vun Drock geschwat. D‘LSAP huet de Premier Luc Frieden opgeruff, bei HUT ze intervenéieren.