Si géife sech den Ament a Richtung vun der Regioun Kursk un der Grenz zur Ukrain beweegen, esou den amerikanesche Verdeedegungsminister Lloyd Austin.
Russland an Nordkorea hunn d'Presenz vun nordkoreaneschen Zaldoten a Russland weder confirméiert, nach dementéiert. De russeschen Ambassadeur bei der UNO sot, et wiere just "Behaaptungen".
Nordkorea huet iwwerdeems nees eng ballistesch Rakéit getest an an d'Richtung vum japanesche Mier geschoss. Et hätt sech ëm eng interkontinental ballistesch Rakéit gehandelt, sote Japan a Südkorea. Nach ni virdru wier eng nordkoreanesch Rakéit bei engem Test esou wäit geflunn, preziséiert de japanesche Verdeedegungsministère.