Deemno hätt et zejoert an Europa eng Rekordzuel un extreemen Hëtztdeeg ginn. Dat sinn Deeg, wou wéinst thermeschem Stress déi gefillten Temperatur bei 46 Grad oder driwwer louch, sou de Rapport. D‘Zuel vun Doudesfäll wéinst Hëtzt wier an de leschten 20 Joer an der Moyenne ëm 30 Prozent geklommen, heescht et do nach. Europa wier dee Kontinent, dee sech am séiersten erwiermt, esou nach dëse Rapport.
Fir Lëtzebuerg war et dat wäermste Joer, esou de Lëtzebuerger Klimafuerscher Andrew Ferrone, ee vun den Auteuren déi de Rapport coordonéiert hunn.
Allgemeng géif d’Dréchent an d’Luucht goen an d’Staarknidderschléi zouhuelen, esou den Andrew Ferrone. D’lescht Joer hätten an Europa een Drëttel vun de Flëss mat Héichwaasser misste kämpfen.
D'Klimaerwiermung ass der UNO no eng Konsequenz vu mënschlechen Aktivitéiten duerch de Gebrauch vu fossillen Energien an den Zäregasemissiounen, déi doduerch an d’Loft geblose ginn.