Dëse Freiden, 3. November geet et lass mat de Music Days zu Veianen, 3 Deeg laang soll d’Schlassstad ënnert dem Zeeche vun der musikalescher Diversitéit stoen. De Festival versprécht en ofwiesslungsräiche Programm a schéine Concertscoulissen. Am ale Kino, am Schlass an an der Trinitéitskierch si Concerte geplangt. Et gëtt Barock, Klassik an Jazz gespillt, a souguer fir d’Kanner ass eppes do. Den éischte Concert setzt d’Harf am Mëttelpunkt. D’Marie Trussart huet mam Präsident Marc Jacoby iwwer de Programm vum Festival geschwat.