Déi zwee Verdächteg géife sech kennen, a si hätten och d‘Affer e puer Deeg virun där hirem Dout kenne geléiert. Dat mellt de Parquet vun Tréier an engem Communiqué.
D‘Studentin war de 19. Juli mat Stéchwonnen dout an hirer Wunneng zu Tréier fonnt ginn. De Parquet geet op Grond vu virleefegen Erkenntnisser vun der Enquête dovun aus, datt déi Verdächteg der Studentin hir Bankkaart geklaut, an domat Suen opgehuewen hunn.
Véierstelleg Zomm gouf opgehuewen
Dee verdächtege Mann soll d‘Studentin dräi Deeg ier hir Läich entdeckt gouf an hirer Wunneng mat engem spatze Géigestand ugegraff hunn. Den Dag no der Attack soll déi verdächteg Fra mat der Bankkaart vum Affer eng véierstelleg Zomm vun engem Bankomat am Zentrum vun Tréier opgehuewen hunn, esou de Parquet.
D‘Enquête leeft nach.