D’Coursë solle weiderhin am Gebai zu Bouneweg ofgehale ginn an et géif een alles doru setzen, de Museksunterrecht schonn den 18. Mee erëm opzehuelen, esou de Filipe Galvao vun der CAVEM.
Nach misst een awer eng Rei Formalitéite klären, dëst och mam Curateur.
D’Museksschoul Cavem war jo am Mäerz iwwerraschend an d’Faillite geroden, den deemolegen Direkter vun der Schoul ass zënter Woche spuerlos verschwonnen. Dem Filipe Galvao no hätt een entretemps eng Partie vun de Proffe verluer, mee den “haarde Kär” vun der CAVEM wier nach dobäi. D’Schüler:inne kéinte sech vun elo u mellen, fir sech nees anzeschreiwen.
